بالجلفي .. ومن اضطر غير باع

بالجلفي .. ومن اضطر غير باع

Linkedin
Google plus
whatsapp
أغسطس 7, 2022 | 9:53 م

 

ــ عباس الزيدي ..

 

واحد / لا ارحم بيك ولا اخلي رحمة الله تجيك

هذا الجاي ايصير وتسويه امريكه المحتلة بالعراق

لاتطينة ولاتخلينه نستعطي من غيرهه ولاتبيعنه ولاتخلينه نشتري

وخيرنه منهوب وحقنه مسلوب

 

اثنين / شنو هاللذه من الفكر

مجلبين بامريكه

عقلك براسك واعرف خلاصك

عمي الحمل ماتشيله الا اهله

كفيلكم العباس ماتنحل ولاتفظ الا بعركة زينة وي امريكة أسبوع أهواي عليهه وتشرد

 

اتلاثة / عوينته. الكتلته ايده

الانتخابات جاية وانت تعرف فلان افويسد وحرامي ليش تنتخبه وتالي اتصيح خلصوني

هسه هذا جذاب وحرام وتعرفة لاغيره ولا غرغرة شموازيك وتنتخبه

 

الرابعة / خلاصنه وفكاك ركابنه بوحدتنه ونظافة كلوبنه وصفي النية ونام بالثنية غير هذا ماتصير جارة للعراق

والسلام ختام..