ــ محمد الجعفري  ..

اهل الانبار يبرزون موضوع الاقليم السني الذي يراد له ان يكون بداية لتعزيز مفهوم التقسيم ..

وما يجري في “الخفاء” – ركزلي عــ”الخفاء” – من قبل الحلبوسي تحديدا لاتمام هذا المشروع ، واللي هو السبب في استهداف حامي الأرض والعرض – وهاي هم ركزلي بيها – اقصد الحـ.ـ.ـ(s.h)ـ.ـ.ـد في الانبار لانه العائق الاكبر لذلك ( اي التقسيم ) !!

خل نحسبها حساب عرب مثل ما يكَولون وي أنفسنا السنة ..

تريد تصير اقليم ؟ .. بالعافية عليك ، نتمنالك كل الخير ..
بس كَلي منو خلة هاي الفكرة براسك ؟
وهم كَلي شراح تستفاد ؟
كَلي شعندك من مقومات العيش ؟
عندك الصحراء ؟ .. عود ازرعها صبار يكَلك مفيد للحسد !!

هاااااا الامريكان وزوك ، والخليج دعموك ؟!!
كَلولك استقل بذاتك احسن الك وعيش مرتاح واحنا وياك ؟!!

زين ما تدري بان الامريكان لا يحفظون عهدا ولا امانة مثل ما يكَول صاحبكم خالد ابن الوليد ؟!!

زين ما تدري بان امريكا تريدك تصير ” زغير ” حتى تسهل سيطرتها عليك ؟!

مو مثل ما تعرف اذا بقيت وي الوسط والجنوب راح تكونلك قوة ، وهم – اقصد الامريكان – ما يردونلك هاي القوة ..

واني وانت والكل تعرف بان الامركان من حطوا هاي الفكرة براسك يردونك تكَطع الهلال الشيعي نصفين ، لان هم ما كَدروا لهذا الامر كَالك انضحي بالسنة ونورطهم  اذا نجحت الخطة احنا مستفادين ( اي الامريكان )  والفشلت بس هم الخسرانين ( اي السنة ) ..

ههههه الوزوك بكَد ما يعتقدون بانهم اذكياء اثبتوا بانهم اغبياء .. يعتقدون بان الشيعة تربطهم الارض فقط ” الا ساء ما يحكمون ” ، ما يدرون بان هنالك  روابط اقوى واقوى بكثير  !!!!!!!!!! ..

عالعموم  ..
زين ما تدري بان الخليج افرغ من اسماعيل ياسين ( الله يرحمه ) ، وما ينشد بيهم الظهر ، ومثل ما كَال ذاك المحلل الخليجي : ” الحــ.ـ(s.h)ــ.ـد الــ.ـ(s.h)ــ.ـعـبـ.ـي اذا راد يحتلنا يطبلنا يالتكسيات ” ..
يعني اغسل ايدك من الخليج ، هم ارواحهم ما حامينها  ..

وفي الختام اكَلك : اذا صرت اقليم بعد منو يفزعلك  ؟ ..
كَبل الشيعي يفزعلك من باب الرابط الوطني ، يكَلك اخوتنا بالوطن  .. هسه منو يفزعلك  ؟؟؟؟؟ !!!!!!!!

والسلام ختام  …